祖兒唔獻花 劉浩龍得吳奇隆賀奪亞
11月21日(六) 12:10
http://hk.on.cc/hk/bkn/cnt/enter ... 1121_00862_001.html
唔知祖兒之後會點同劉浩龍點慶祝呢？
1/6
祖兒（粉紅衫）淨係獻花畀余文樂（戴墨鏡者），劉浩龍（戴帽）就獲吳奇隆獻花。
2/6
頒獎台上大合照
3/6
【on.cc東網專訊】 《第62屆澳門格蘭披治大賽車》明星蓮花挑戰賽，挑戰成功勇奪第二位嘅劉浩龍，雖然手車夠晒辣，不過傳媒焦點都係落喺上台獲獎時，任頒獎嘉賓嘅女友容祖兒，只頒獎畀排第三名嘅余文樂，劉浩龍就獲吳奇隆獻花。
因余文樂壞車「上位」
提到今日比賽時嘅心情，劉浩龍狂嗌緊張：「我今日嘅心情真係好緊張，個個都叫我小心。其實我都幾擔心，因為我都幾細膽，今日一起步我就慢慢嚟，慢慢衝上去。都見到樂仔（余文樂）同小方（方力申）喺後面大鬥法，見佢哋有碰撞之後，我都跟前少少，不過就見到樂仔唔好彩，架車有故障，我就走去追小方，可能追得太勁，不過都好開心攞第二，可以上澳門嘅頒發台。」
祖兒唔獻花圈
問到點解女友容祖兒冇頒獎畀自己？劉浩龍表示自己事前不知頒獎嘉賓是誰：「我都唔知邊個頒獎，不過都好開心係『雙龍』吳奇隆頒獎畀我，依家阿隆頒畀阿龍，吳奇隆都係我一個好鍾意嘅偶像，我都好開心，好榮幸得到呢個獎喺手上！」
最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集係張繼聰，想睇佢同老婆點樣喺個節目度耍花槍？快啲去《東網巨星》App收睇啦！
《東網巨星》App下載連結
